周六賽事特別多，西甲今日亦開鑼，所以揀英超同西甲各一場為重心推介。
過去一周，連睇兩場屈福特嘅比賽，表現只屬一般。雖然上仗主場1:1賽和韋斯咸，但對手實力一般未能作準，今場面對曼聯，至係真正考驗！「紅魔鬼」近況大勇，繼開「咧」主場大數富咸5:1後，上場作客縱缺朗尼同史高斯，仍能以3:0擊敗查爾頓。
曼聯向來作客都好穩定，上季19次作客贏咗12場，勝出率有六成幾，成為上季「作客王」。兩隊近三次交手，曼聯贏晒，當中有兩場都係贏屈福特兩球以上。論整體實力、往績同狀態，曼聯明顯佔優，今場一於揀個讓球主客和「客勝」。
華倫單W穩陣
另一場推介，就係今晚西甲開鑼戰華倫西亞主場對貝廸斯。華倫近期喺歐冠盃外圍賽同熱身賽表現都唔錯，周中在主場以三比○擊敗薩爾斯堡，得以晉級32強分組賽。
華倫主場向有保證，上季19場賽事，淨係輸過畀西維爾，對住「一哥」巴塞都照贏可也。球隊今季重整隊形，實力不容忽視。貝廸斯今季人腳變動不大，加上向來作客表現麻麻，近11次造訪華倫，貝廸斯錄得3和8負都未贏過，明顯輸蝕。今場一於揀華倫單W！
有線球彩台主持阿鵬
電郵：[email protected]
PHONE波熱線：1831678