周汶錡、李彩華（Rain）及王喜等前晚到將軍澳電視廣播城錄影節目《心大心細》，周汶錡穿上白色DeepV背心亮相，性感迷人，問她的膚色為何較早前黝黑，她說：「黑咗好耐啦！」問她可有擔心被主持林敏驄戲弄，周汶錡說：「都唔知有乜嘢玩，冇所謂啦，都幾得意。」
自拍生活照冧Fans
Rain下月推出新碟，前晚不忘自我宣傳，她說：「我張碟有個首創，就係下星期一（後日）開始可以喺網上訂購，我有六個封面同八隻歌任揀，歌迷可以根據個人喜好任意組合，我係第一個香港歌手咁做，而頭10個網上訂購嘅歌迷，我仲會親自將新碟送上門㖭，碟入面又會有一張我自拍兼有特別效果嘅生活照，新唱片就會喺下月15日推出。」
早前薛凱琪參與錄影此節目時，被林敏驄狂寸歌星扮嘢，問Rain可擔心跟薛凱琪同一命運？她說：「之前大家做世界盃活動，都係捧巴西隊，佢應該唔會對我點。」
採訪、攝影：楊潔雯
