學生上網打機成癮的禍害，前線教師體會至深。身兼教育統籌委員會委員的皇仁舊生會中學副校長湯仲勳，近日在個人網誌「湯sir日記」（ http://mrtong.com）中撰文「打機比學位重要？」記述他月初在一次面試中，拒絕一名「機迷」學生入學。「我們暫不考慮這次申請了，因為這位同學似乎未能有決心去離開電子遊戲。這是一個教訓，希望他日後明白到打機對他有甚麼壞影響。」
「好似染咗毒癮咁」
近年愈來愈多學生沉迷打機，湯仲勳不禁搖頭歎息，「打機同吸毒根本冇分別！沉迷打機嘅學生好似染咗毒癮咁！」他接受本報訪問時稱，上述男生小四成績不俗，但小五則有兩科不及格，追問下得知男生原來在小五起沉迷打機，自此成績一落千丈。
「如果佢應承我唔打機，我就會收佢，但佢猶豫不決，我決定唔收佢嘞。」他說拒絕該男生入學申請，是希望他能記取今次教訓，明白沉溺打機會影響前途。「打機上癮會影響健康同社交關係，甚至變成隱蔽青年，所以我成日叫家長唔好畀子女沉迷打機。」他每年都會在新生入學家長會上勸告家長要限制子女上網和打機的時間，避免子女染上「機癮」。