鍾欣桐（阿嬌）早前在馬來西亞開騷時，在後台換衫被偷拍的事件餘波未了。與阿嬌同屬英皇娛樂的吳浩康和泳兒前晚到九龍城出席新城活動，演藝人協會會長曾志偉日前指英皇旗下都有本雜誌，所以應該要帶頭去培訓，吳浩康就稱自己跟李逸朗都曾經被公司旗下的雜誌偷拍過，所以政府要監管狗仔隊，因為狗仔隊對藝人構成好大困擾。
泳兒則說：「公司上下都對呢件事好緊張，而我同助手都發覺公司洗手間個抽氣扇嘅位太大，對面樓都可以望過嚟，所以已經即刻同公司反映。」
「女仔仲要嫁人」
沈殿霞昨日出席無綫活動時，對阿嬌被偷拍一事回應說：「人哋女仔嚟㗎嘛，將來仲要嫁人，影埋啲咁嘅相，唔尊重人之餘又唔尊重自己。你哋文化界應該出聲啦，直接影響到你哋㗎。」至於昨日在中環出席珠寶騷的李嘉慧則說：「我做咗模特兒咁多年，呢方面一直好小心，一定會背住人、面壁換衫嘅。」
曾在家中被偷拍的鄭伊健，昨日在台灣宣傳時表示阿嬌在後台被偷拍，事件太過份，政府應該要去規範，並指若有一天特首曾蔭權的老婆也被偷拍，不知他有何感想？
採訪、攝影：卓美娟、張俊銘、吳天慧