組合2R、鄧麗欣（Stephy）、官恩娜與張敬軒等歌手昨日到九龍城廣場，出席新城活動，2R穿上超短裙上陣，比起Stephy的背心長褲打扮明顯搶鏡得多。
2R透露未入行時，經常會往同一間卡拉OK唱歌，不過曾發生怪事，姊姊Rosanne說：「有一次唱唱吓歌，有個男人走入嚟，佢望都冇望過我哋一眼，淨係掛住望門口，後尾至知佢喺度玩緊捉迷藏。」
唔信方力申戀助手
對於最近有傳方力申與女助手懷鈺撻着，問其緋聞女友Stephy有何看法？她聞言哈哈大笑說：「呢個係2006年最大嘅笑話，超好笑，懷鈺都係我助手，佢哋絕對冇可能，文中仲話佢哋成日拖手食飯，如果畀我見到佢哋拖手，實嚇親我囉。」記者取笑她豈不是呷醋？Stephy肯定的說：「真係唔係呷醋，係嚇親。」
採訪：胡比 攝影：陳志嵐
