澳洲女兵隆胸可開公數

澳洲女兵隆胸可開公數

想隆胸?當兵啦!想隆鼻?當兵啦!拉面皮?——當—兵—啦!絕對唔係講笑,澳洲國防政策寫到明,軍中各級人員可以用公費做整形手術,當地報章就訪問咗黃金海岸一個整形醫生,佢話淨係舊年已同六個軍人做過手術;有個伙頭將軍啱啱整咗個鼻,亦有唔少女兵以情緒低落影響工作為由,做隆胸手術。國防部長納爾遜大為緊張,已下令徹查。
美聯社