繼04年有騙徒藉《皆大歡喜》監製徐遇安之名，誘騙落選港姐王可惠穿泳衣試鏡後，再有港姐成為騙徒目標，而騙徒今次更斗膽假冒無綫總經理陳志雲，相約兩位港姐見面，幸被二人識破，報警求助。
昨日有周刊報道指上周二（15日）有一自稱陳志雲的男子致電無綫化妝間，向藝員敖嘉年索取葉翠翠和陸詩韻的電話號碼，敖嘉年發現事有蹊蹺而即時知會公司。
「公司叫唔好揚」
及後該男子終找到陸詩韻和葉翠翠的電話號碼，並跟她們聯絡，聲稱可以安排她們拍劇，相約她們出外見面共商發展大計，情況有如當年錢志明向字母小姐騙財騙色一般。無綫有見事態嚴重，遂於當晚連同陳志雲、葉翠翠及陸詩韻幾位當事人報警求助。
陸詩韻昨日在電視城回應有關騙案時顯得一臉尷尬，她說：「入行以嚟第一次收到呢啲電話，件事已經交畀警方處理，所以唔方便講太多，相信公司都會保護到我哋嘅安全。」敖嘉年則說：「件事喺兩個禮拜前發生，公司叫唔好張揚出去，其實我初入行都試過俾人問過有冇興趣出席飯局，又話可以一個月包薪三萬，仲有法拉利畀我揸，都知呢個世界冇咁大隻（蛤乸）隨街跳。」
呼籲藝人小心
陳志雲昨日在中環錄影收費台節目《志雲飯局》，回應被人冒認邀約港姐事件，表示一切已交由警方處理，不便詳述，只希望事件盡快完結。他又呼籲旗下藝人小心被騙，他說：「事件發生後聯絡咗藝員科，叮囑大家要小心，我唔會親自打電話畀藝員，要聯絡都透過藝員科，我唔知化粧間電話幾多號，更加唔會稱呼自己為陳生。」
至於葉翠翠的緋聞男友李逸朗昨日表示當晚已得知事件發生，他說：「嗰晚原本約咗佢食飯，不過佢因為要落口供而甩底，我諗唔需要我貼身保護佢嘅，不如我幫佢聽電話仲好啦。」
採訪、攝影：卓寶花、卓美娟
