【本報訊】虐殺肥妹案的八名被告，犯案時年紀最小的僅14歲，虐打受害人時卻極為殘暴。
城市大學犯罪學課程主任黃成榮形容被告「相當冇人性」，判刑明顯過輕，眾被告可謂「執番身彩」。他指社會有「回歸六十年代」的迹象，若不盡快增撥資源解決青少年問題，群黨罪案將會在五年內急劇上升，香港在過去20年建立的安全處境或不復再。
「𠵱家社會上出現好多老夫少妻同新移民家庭，唔識同仔女溝通……如果唔及早幫助呢類家庭，唔排除會有愈嚟愈多群黨。其實個社會狀態都似回歸六十年代，好似劏死牛嘅情況冇見好耐啦，但係𠵱家又出返嚟。」
倡增加校內社工
黃成榮指，群黨通常都缺乏家庭溫暖，欠正常社交活動，青少年為取得另類成功感，便容易被群黨吸納。他建議政府增加校內社工人數，解決青少年問題。他警告所有年輕人做事三思，遠離損友，以免鑄成大錯。
香港小童群益會註冊社工陳慧敏於觀塘區工作11年，接觸很多問題青年。
「起哄嘅時候佢哋（青少年）係唔會諗到後果……一班人打嘅時候，群眾壓力好緊要，唔打又驚自己成為第二個（受害者），有啲就諗住抽下水，唔知後果會咁嚴重。犯錯之後又想掩飾，結果令到件事更嚴重。」她指家長須與子女多點溝通，「如果家人畀唔到支持，一有其他人畀佢哋依附就可能墮落得好快。」