車路士周中贏1球都可以輸番兩球，暫時英超最好賭仍然係曼聯；曼聯兩場比賽入足8球，就算繼續有朗尼同史高斯停賽，今仗對住「升班馬」屈福特，3連勝可手到拿來。
曼聯今季力圖挑戰車路士鬥志明顯，進攻亦有番早幾年前的流暢，雖然有兩名中前場主力停賽，但新加盟的卡域克，上仗贏查爾頓時已經後備上陣，陣容亦不算太殘。
屈福特上仗對韋斯咸，全場佔盡優勢都贏唔到波，前線如馬龍京治等，都只係英冠級數，相信難以攻破曼聯大門，只係睇吓佢哋守到幾時；立博開出亞洲盤，曼聯作客都要讓到一球/球半低水，客隊贏波機會已經好明顯。不過考慮曼聯連博兩場作客，有可能僅贏一球，寧願博個1.33倍單W穩陣。
熱刺打法保守博單W
熱刺上場表現，證明主客實力反差好大，羅比堅尼同貝碧托夫亦合拍；愛華頓上仗作客布力般，全場捱打先攞番一分，後防線整體年紀大，對住年輕當打的熱刺相當蝕底。亞洲盤熱刺主場半/一，不過以熱刺甚保守打法，可以贏一球就收，倒不如博個1.72倍單W，2串1過埋曼聯，都有兩倍幾。
蘇超方面，些路廸主場兩場贏晒而且淨勝對手兩球或以上，剛簽下荷蘭中鋒希斯寧基，可博再贏兩球，取些路廸「主勝」。
立博亞洲區首席博彩顧問
謝利
電郵：[email protected]