美國時裝名牌MarcJacobs前晚在灣仔舉行秋冬時裝騷，出席睇騷的周麗淇表示會定期將穿過的服裝放於公司的網站作二手拍賣，更不怕引來戀物狂fans拿來作特別用途，她笑言眼不見為亁淨，但曾收過印有其名字的內褲，這樣才更變態。
徐濠縈、周麗淇（Niki）和黃偉文等前晚往灣仔君悅酒店，欣賞美國時裝名牌MarcJacobs秋冬騷，品牌之友梁詠琪擔任模特兒，有份行騷的名模還包括AnaR.及陳嘉容等。
拒豹紋內褲
Niki透露計劃與胞姊周汶錡合作搞時裝生意，至於平日出席活動曝過光的服裝，她會定期放於公司網站作二手拍賣，問她此舉不怕招來戀物狂變態fans，專誠競投她穿過，甚至有污迹的服裝來收藏，或「索」嗎？她說：「通常我啲衫如果有污迹，我一定會註明，如果話投件衫番嚟『索』咁變態，呢啲我就眼不見為亁淨啦！」
指自己有潔癖的Niki，原來特別怕豹紋內褲，她說：「我試過收過份禮物係印上我個英文名嘅底褲，我覺得呢啲仲變態啦。」
早前徐濠縈被雜誌偷拍與女兒在沙灘玩，她說：「我本來就係貪嗰個灘夠人多，不過𠵱家就唔考慮再去啦，嗰日我淨係掛住睇實個女，其他嘢（指被偷拍）都唔顧得咁多啦，不過𠵱家唔止狗仔隊，連啲途人都會失驚無神拎架相機出嚟影你，可能拎去賣啩，咁樣真係無恥。」
怕女兒曝光
徐濠縈並指不介意自己被偷拍，但最不想女兒曝光，她說：「個女𠵱家返preschool，好在間學校同我哋啲家長有加強溝通，早幾日校方就提醒我有人影我個女。」
採訪：GeneNg
攝影：MatthewLam
