在首場英超賽事，車路士主場清風送爽下3:0大勝曼城，盡顯強者本色。本身係曼聯幫的我都投向車仔懷抱，原因好簡單，皆因車路士踢得好又有重量級球員壓陣；加上牙擦領隊摩連奴的排陣及調配，令到近幾年英國球賽上都出現所謂「車路士現象」：不論過程緊張與否，結果都係一樣：車仔必勝！
表現下滑必遭摒棄
但區區一個聯賽冠軍，又豈能滿足「車主」阿巴莫域治？所以今季車仔要盡攬世界球壇中最好的球員。好似核彈頭舒夫真高同德國隊長波歷克，皆是處於當打之齡。但與其說當打，倒不如說臨近足球員的黃昏之期。一過30歲，車仔定不再繼續「供養」這批老人家，屆時球迷又會齊聲聲討「車主」吧。
現時車仔黃金中場的祖高爾及林柏特，後防有鐵血隊長泰利把守，單看這個陣容就知道點解車路士在英超初期由一支中游球隊，轉眼便能成為05及06年連續兩屆奪得英超錦標！有此成績，最大因素都是有一位財雄勢大的「車主」，令到車路士名副其實的黃金打造！
譚小環
美貌與智慧並重的港姐冠軍，都是超級球迷。