森美小儀早排喺商台節目《架勢堂》搞咗個「我最想非禮嘅香港女藝人」網上選舉，結果引起公憤，廣管局局長馮華健要求律政司司長黃仁龍研究係咪涉及刑事罪行，日前有關方面已經完成調查，認為事件唔涉及刑事責任，所以唔會提出檢控。噚日森美去數碼港出席活動時就話終於鬆一口氣，仲話：「開番咪都有兩個禮拜，會特別小心，好似有嘉賓講嘢歪咗音，我哋都好緊張問番個嘉賓『你頭先講乜嘢？』」