近日有馬灣珀麗灣狗主刊登廣告，指業委會有意通過苛刻養狗守則。珀麗灣業主委員會將就養狗事宜進行全面性意見調查，據屋苑管理公司啓勝管理指出，收集意見會作為將來制訂相關措施的依據。
《珀麗灣業主網》有超過330個回覆《業戶對飼養狗隻的意見書》，以下3段意見語氣較溫和。
網友kwankwan：「其實呢個問題重覆又重覆……如果係解決到嘅，就唔使搞咗3年幾，都仲有呢啲問題出現……出呢份意見書嘅人，可能唔知道咁樣做，可能令狗主同非狗主嘅關係惡化……但事實上，呢份意見書喺狗主嘅角度嚟講係「過份」……養狗嘅人會視狗為家庭一分子，試問點解我嘅仔仔女女，唔可以喺內園行……」
網友ket：「我有個珀麗灣朋友，每次放狗都會將狗仔帶去較遠的地方才大小二便，對於不理公德的狗主（三期走廊寫明不可小便，但每天都臭氣薰天，狗尿一撻撻），業委會的確需要訂立清晰的守則和處罰，由管理處執行，對一直以來背負批評的負責任狗主也公平。」
網友yuenyuen：「其實法律上有冇話狗主一定要登記狗隻數目？我覺得係我私隱囉。另外就算登記咗又點？有咩用？我自己有養狗，都覺得喺走廊屙尿勁唔得呀！啲味唔散嘛。」
其實，有關私人屋苑養狗事宜，永遠是一個兩難的問題。珀麗灣的《業戶對飼養狗隻的意見書》需於今日（25日）前交回業委會，下周三（30日）討論，業主請努力。
hitrate指數：超過5900次