一連四日的「香港電腦通訊節2006」開鑼，網友紛紛討論今年有甚麼抵買筍貨，大家不妨參考掃貨心得。「shingokin」在UwantsForum問「邊位覺得電腦節一定平？」他認為展覽的貨品無特別減價，只是多些贈品，「stephenlam1511」：「在下經驗，記憶卡在展覽後一定會更平，所以去到唔好買呢樣嘢。」
「peterashley」則說：「係呀，我上年去過，真係好平，因為好多都係雜牌，我點敢買，雜牌貨當然平啦，邊有人會買㗎。」「HIM0904」有此建議，「舊款的和雜牌的就平，新嘢多數平好少，少到有時在腦場（即電腦商場）講價都有。畀$20入場費、車錢，加起來都唔知番唔番本，仲要人迫人，今年都唔係好想去。」