澳巴近日接連發生嚴重交通意外，牽涉車齡高達12年嘅「老爺」巴士，當局及巴士公司宣布將為數46部「老爺」巴士停駛，值得一讚，但仍有不少網民對澳巴整體形象感到不滿。
其中《澳門凸區論壇》中，《Hi，乜又係你呀，澳巴！！！》題目，網友SPA話：「我覺得佢哋啲巴士好殘舊，好懷疑佢嘅煞車系統有問題……」另一位RS100網友則話：「坐澳巴啲車，我覺得啲車就散……」，可想而知澳巴喺當地居民心目中，評價似乎唔係太好。
呢個情況，跟當年香港嘅中巴一樣，每當有意外事故發生，就會被歸咎於車隊平均車齡高而肇禍；無疑，車齡高嘅巴士喺可靠性一欄所取得的分數不高，但會否同時令發生意外嘅機會率增加呢？我想也未必，若然巴士公司對每部巴士（尤其係車齡高嘅一群），都作出妥善保養及維修，發現機件或車子內外有任何破損地方，應立即停止外出接載乘客及留廠維修，有關當局也應加密抽查巴士次數，此舉對乘客及其他道路使用者，皆有更好保障。
記者：鄭達基
http://www.macaubbs.com