在Forum看到一個非常實用嘅Q&A，實在忍唔住要話畀大家知。網友慳家之王，佢話啲牙膏成日用到最後都總係剩番少少，唧到手指頭都痛，仲係唧唔出嚟，明明知道支牙膏仲有料，就咁掉咗佢真係覺得好嘥，於是佢問吓其他網友有咩好計，咦，啲回應好有創意喎，試吓囉！
1.ShakeShake：用飲管插入牙膏出口，用口吹空氣入去，然後扭好蓋，向下狂搖10-20下，將僅餘嘅牙膏都全部搖近牙膏出口位，讓你還有取之不盡用之不竭的感覺，重複運用此法，直到牙膏鞠躬盡瘁死而後已！
2.腰斬牙膏：直接生劏支牙膏，用鉸剪從牙膏中間位置剪開，用埋剩番嗰少少。
3.間尺推刮：將牙膏平放在桌上，用間尺由牙膏尾部向上推刮至牙膏出口位，務求將少少一丁點牙膏都不放過。
4.木筷子夾：拿外賣用嘅木筷子（要未開嗰啲喎），將扁扁嘅牙膏尾部夾在木筷子中間，向上推，牙膏就可以唧得一亁二淨。
記者：葉雪芯