最近OSIM出咗新按摩椅，找來古天樂拍廣告。網上有個女仔就話平日都可以歎免費OSIM按摩椅，就係當你喺交通工具時，後座乘客係個無公德心嘅人，佢會用膝蓋頂住你背脊，營造OSIM按摩椅嘅效果，都頗搞笑！不過，我就因為廣告首歌幾好聽，於是去試吓張按摩椅。坐落去，唔係話佢唔舒服，不過背脊位始終覺得好硬，反而喜歡舊款用氣壓嘅iDesireROBO，特別係腳位，充完氣壓住小腿再放氣，好舒服。Sales姐姐話，舊款係日本製，有氣壓，所以感覺按背脊時會軟啲舒服的，唔會硬邦邦，但要四萬幾蚊。古天樂賣廣告嗰張新按摩椅係中國製，無氣壓，平好多，萬六蚊就有交易。不過，Sales姐姐話，如果要求高啲，當然係四萬幾蚊氣壓嗰張；經濟啲就要買古天樂嗰張囉！一分錢，一分貨嘛！
網址： http://hk.myblog.yahoo.com/jw !cb1pXLOCHwcvL5e7wdjjrw--/article?mid=236