現時足智彩每每有大量比賽供投注選擇，「波」海茫茫，亂買一通中伏機會甚大，因為絕大部份球迷包括筆者在內，實無可能精通全部有開盤嘅數百支球隊；其實買波有時同投資股票一樣，認定好股，要懂捉緊贏錢周期。
不尋常賽績乃贏錢良機
捧開呢個欄嘅球迷，都知道筆者投注首先不以聯賽行先，每個聯賽都有一些超穩陣藍籌股，甚至何懼研究喺奧國也文也武嘅薩爾斯堡。另外以讓球盤計，其實大部份球隊全季平均都做到四至六成嘅贏盤率，無論你捧巴甲包尾嘅聖十字或榜首嘅聖保羅嘅盤率都差距不大。即係話，只要你發現某隊在某一段期間出現不尋常嘅賽績周期，就可能係你嘅贏錢良機。
今日要提嘅係經典例子哥連泰斯，上屆冠軍，今屆大跌watt，長期徘徊尾一、二位，根據「澳彩」資料庫統計，該隊由5月尾至7月尾8場聯賽，亞洲盤錄得全輸；環顧全球頂級聯賽，實屬罕見，個人記得佢哋輸盤嘅最後兩場自己亦中伏，包括作客輸畀包尾嘅聖十字0:1。但自己反覆思量，哥軍人腳其實變動不大，而且多位國腳世盃後回夠氣返回戰陣，加上會方添兵救亡，以實力計無可能落至如斯慘況，所以根據上述理論，個人就鎖定中線不離不棄；結果8月初開始反底，直至昨晨作客受讓青年隊平/半和波，5場聯賽4次贏盤（當中有3個贏半個盤），佢哋未衰到貼地，你已經可以全部追回失地，之後佢哋降班與否，與賭友何干。文：蘋果波神