張家輝和李彩華（Rain）在新片中合演情侶，雖然兩人年齡相差17載，卻甚有默契，不過Rain認為現今大部份女性不愛老套男，只愛壞男人，就連她自己也寧願接受衰格男人，相信修身養性的家輝不是她杯中茶吧。
年紀相差17載的張家輝和李彩華在新片《黑白道》中合演情侶，卻絕對啱傾。張家輝日前在金鐘接受訪問時說：「我哋係同期角逐音樂新人獎，男人大女人幾年好閒啫！我得28（編註：真實年齡為39歲），阿Rain就22，就算相差20年都冇問題。」
阿Rain也堅稱與家輝絕無代溝，她說：「家輝好in㗎，有好多歌手都唔留意時下流行緊乜嘢歌，家輝好緊貼潮流，真係冇諗過佢可以咁in。」家輝笑說：「你估我去唱K，仲係唱《家變》同《小李飛刀》呀？」
唱K冇代溝
片中阿Rain扮演酒吧拳手，鍾情愛蒲爛玩的男人，及後愛上蠱惑仔張家輝，知道對方原來是警察卧底後，便與他分手。阿Rain覺得故事反映現實，因為現今女性都有那種「男人不壞，女人不愛」的心態，更謂寧願接受壞男人，也不願愛上蠢男人。
家輝聽罷好奇地問阿Rain：「如果一個笨頭笨腦男人，好錫你、對你好好，你都唔會揀？」
阿Rain說：「男人係要衰衰格，女人先愛，不過呢類男人只宜做情人，搵老公都係搵個善良啲好，所以拍拖同結婚對象係唔同，𠵱家嘅女性追求激情、無拘無束生活，唔啱就分手。」家輝不諱言年輕時也曾有此玩世不恭的心態，不過到思想成熟了便自自然然會修身養性。
採訪：魯萍 攝影：葉君海
Hair：DanielofHipHairCulture
Make-up：EmmaofBeautyPro
場地提供：L16CAFE&BAR（香港公園）
