天生一張孩子臉的陳自瑤多被委派飾演妹妹仔角色，在現實生活中，她也喜歡穿背心熱褲和充滿少女味道的服裝，很難令人相信原來她已經25歲。不過最近陳自瑤在新劇中終改變形象，飾演擅彈古箏的名妓，甚有挑戰性。
夏日炎炎，大部份年輕人都愛出海暢泳，陳自瑤也不例外，不過大多會到公眾泳池游水。她日前接受訪問時說：「呢排暑假人多，就少咗去公眾泳池，多數會揀人哋返晒工嘅時間去，雖然係藝人，不過都冇乜唔方便。」
學彈古箏
演的角色都比實際年齡年輕，她坦言希望演繹小女孩以外的角色：「可能我個樣生得細，不過平時演嘅口靚妹角色，同我本身性格好唔同，其實我唔係咁細路女，有時都幾多愁善感。我希望第日可以演多啲唔同嘅角色，例如係失明人士之類，都幾有挑戰性㗎。」
陳自瑤早前赴內地拍攝劇集《太極》，在劇中飾演擅彈古箏的名妓，最近更為此學彈古箏，她說：「對我嚟講，做名妓係新嘗試，成日要彈古箏，覺得好好聽同好優雅，於是我返屋企即刻買個古箏，同搵老師上課，閒時學多啲嘢裝備自己，對將來演唔同角色都有幫助。」
投資回本
幾年前，陳自瑤與友人合資售賣民族服裝，早前更開設分店，她謂投資已回本：「舖頭多數partner搞，我主要負責宣傳同公關工作，其實我都係鍾意演藝事業多啲。」
採訪：卓美娟 攝影：仇志德
髮型、化妝：MeggyLi
部份服裝提供：XGame
