王菲（圖）同李亞鵬早排帶咗細女李嫣去美國做兔唇手術，點知噚日有網友send咗張相畀馮仁昭，聲稱相中有兔唇嘅BB係王菲愛女。馮仁昭同王菲嘅經理人陳家瑛傾開呢單嘢時，佢話相中BB肯定唔係王菲個女，仲話：「冇可能，佢哋自己都冇影到相，同埋佢哋一路以嚟都好保護個女，冇可能俾人偷影到，我相信都係惡作劇居多。」