久未露面嘅池珍熙早排忙緊同女星廉晶雅拍攝電影《古老庭園》，日前佢哋就為新片拍攝電影宣傳海報。池珍熙話拍海報當日非常炎熱，着住厚褸有如焗桑拿咁，不過喺佢哋身後班臨記警察咪重慘，攝氏30幾度全副武裝仲要走來走去，真係苦不堪言。另外，呢齣電影成為西班牙一個國際影展嘅參賽電影，希望池珍熙可以揚威海外啦。