日前推介的九洲發展（908），在昨日公布全年業績，盈利大升71％至3481萬元，末期息加特別息合共5仙，睇落算唔錯。不過心雄的經紀陳話，要嘅唔係股息，而係公司發展大計，希望快些落實。
九洲發展前日股價衝上1元，昨日回吐2％至0.98元，但獲利盤唔算太多，似乎大家仍願意持貨，正有所等待。
另外，好快又到玩抽新股時間，打頭炮係生產運動服的永嘉集團（3322）。經紀黃話問過芬佬，永嘉有在大陸分銷運動服，具有中國消費股概念，現時呢個概念仍sell得，所以要去貨唔係問題，小初不妨落番張飛。
如果小初唔想等，可以吼同類股李寧（2331），隻股將在8月28日公布中期業績，據講唔失禮。美林昨日發表報告，睇好李寧的國產品牌領導地位，目標話睇10元。
李寧昨日微升0.1％，收8.13元。
慕容小初