上星期《美女廚房》去泰國拍外景，噚日有雜誌話名模嘉賓周倩圯（小圖）全程被杯葛，拍攝最後一晚成班人去咗鄭中基間房玩，周倩圯不請自來，飲醉酒又喊又向中基獻媚，點知俾中基整蠱叫佢走，仲爆粗鬧佢係「煩×」。噚日馮仁昭打電話畀中基，佢否認此事，又話唔覺周倩圯被杯葛。至於同行嘅林苑就話：「我冇戴眼鏡，睇唔到有冇人眉來眼去，睇唔清楚仲好，少啲是非。」
