【本報訊】「賭王」何鴻燊昨天繼續否認與受襲的民主黨副主席何俊仁相識。何鴻燊再次揚言，不認識何俊仁，但與他算有多少關係，「因為大家都姓何，係老宗」。在瑪麗醫院的何俊仁則說：「我好細個已識何生。」他指過往在公眾場合與何鴻燊見過面，但沒有特別私交，「佢貴人善忘、知名巴閉，唔識我呢啲小小議員。」
前天何鴻燊被問及有沒有看何俊仁遇襲的新聞，他表示：「立法會有60個議員，大部份我都識，我淨係唔識呢個何俊仁。」
賭王：同佢有多少關係
何鴻燊昨天出席女童軍活動時，再被問及是否認識何俊仁時，記者的首次發問他聽不到，記者再重複問題後，他即急不及待否認說：「唔係喎！我真係未識佢，譬如你見到一個人，噚晚見到佢係電視，咁你都未識㗎！」
「我係未認識佢。不過呢，可以講一句，我同佢有多少關係，因為大家都姓何，係老宗，我都好高興呢，佢𠵱家咁快康復，我亦希望佢快啲㖭，又做返議員。」何鴻燊說。
對於何鴻燊堅持不認識，藉此劃清界線。何俊仁則表示「冇乜所謂」，又指澳娛上市的官司的確令賭王非常不快，但他只是做律師做的事，「我有我嘅身份同職責，佢識唔識冇關係。」