利物浦喺周二嘅歐冠外晉級當然開心，但以色列嘅海法馬卡比其實唔曳，門將大衞杜域治同應屆以色列足球先生保高利表現出色，前者屢救必入球，後者搞到禾諾克（其後傷出）、奧利里奧同丹尼爾艾格陀陀擰；如果保高利俾鍾意挖對家人腳嘅領隊賓尼廸斯睇中，第日着起紅軍戰衣大家唔使驚訝！