駕駛教師協會主席王松生提醒新牌仔，若途人突然衝出馬路，除即時煞車外，還要緊捉軚盤，以免車輛「四圍擺」，禍及周邊無辜的車輛或巿民。
避免交通意外，行人同樣有責，耆康會總監狄志遠則提醒長者帶小朋友上街時，要打醒十二分精神：「老人家嘅反應同動作都唔夠小朋友咁快同靈活，所以長者帶佢哋出街，真係要拖實佢哋，唔好咁易畀佢哋fing甩手，啲家長平時亦要教導子女遵守交通規則嘅重要性。」
「馬路如虎口」
「馬路如虎口」歌仔有得唱，可惜仍有不少人覺得行人亂過馬路沒問題。在香港巴士論壇，網友AD9留言說：「喺紅綠燈位我衝咗紅燈，之後過到去畀兩個死差佬叫停我，又要搜我，我衝燈關你鬼事咩！」不過，他隨即被眾網友批評，「你問心你有冇做錯……咪撐啦」。