大集團，都唔代表質素穩定，早前大家樂及美心嘅「潮江春」分別被控，前者嘅煎蛋免治牛肉飯發現鐵片，後者嘅蒸粉果發現一隻蟑螂成蟲，近期上網就見到網友chy919，佢竟然食巨無霸食到崩咗隻大牙：「我頭先食巨無霸食崩左（咗）隻大牙呀！！！塊牛肉有啲硬嘢喺入面呀……好離譜呀！」波子回應：「哈哈＞"＜……only看topic以為係搞gag！」雖然聽落幾好笑，不過各位網友都好有人性，笑完都好關心事主，除咗叫佢快啲睇牙醫，仲叫佢告X記㖭！i975話：「有得告佢㗎！！！你有冇keep住個buger（burger漢堡包）先？」可惜事主回應：「冇呀……我係食完成個餐飲完杯嘢先發現……連隻牙碎我都吞咗……」咁就蝕底喇！下次食嘢記得小心，話晒都係消費者吖，牛肉硬到食崩隻牙唔係講笑㗎。
網址： http://www.uwants.com/viewthread.php?tid=2502548&extra=page%3D4