韓國電影《韓流怪嚇》最近喺當地上映,據知總入場人數已超過1,100萬人次,導演奉俊昊近排四出到海外宣傳,實行乘勝追擊。佢日前接受日本傳媒訪問時,竟然話電影入面隻怪物嘅靈感,部份係嚟自日本男星竹中直人喎,不過佢即時補充話只係用咗佢嘅動作同神態,而唔係個樣。唔知竹中聽到呢番話會有乜嘢反應呢?