唐媽媽噚日同賭王同台主持女童軍總會嘅記者會。八方問唐媽媽，咁多人講何俊仁單案，賭王消息靈通，會唔會向佢了解吓？唐媽媽話，啲記者會自己問佢啦，「可能同十姑娘單官司有關啩？」唔通唐媽媽有堅料？原來唔係，唐媽媽同八方解釋，唔係有堅料，係啲報紙咁講啫，佢都係睇報紙喳！
噚日本來係講女童軍慶祝90周年會慶，賭王同何超瓊好早就到場迎賓，賭王全程冇乜表情，致辭時讀稿話，有兩個團體嘅活動佢最鍾意參加，一個係婦協、一個係女童軍，佢哋叫到只有sayyes，永冇sayno！十姑娘下次識做啦，唔好再請男律師喇，一於請番個做過女童軍、加入埋婦協嘅女律師代替仁哥，有賭王照住，實唔會有危險啦！