前祖雲達斯經理比索圖喺6月不堪壓力離奇墮樓，𠵱家日漸康復正打算過新生活。意大利傳媒透露佢打算離開都靈，同細佬、朋友去小鎮開餐廳，過番啲平靜嘅日子；佢仲同記者講嚟到小鎮好似返到屋企咁，又話將來發生咩事會同親友分享。我求大俠都見到比索圖死過翻生都好高興，希望佢笑口常開。