粵語片明星曹達華日前在旺角寓所的梯間失足，身體多處受傷，救護人員將他送往廣華醫院救治，傷勢好轉後，他即向契女米雪嚷着要出院，因馬季下月10日開鑼，他即使坐輪椅也要入馬場，好賭本色依舊不變。
曹達華在60年代的事業巔峯期，曾擁有逾百萬家財，還有自己的片場，但因為嗜賭，終將身家輸光，退休後，他曾與家人移居英國，四年前太太去世後，他便決定回港定居，獨自在旺角榮華大廈頂樓的天台屋居住，子女則留在英國發展。
「已經拆咗繃帶」
雖沒有家人在身邊，但華叔也絕不寂寞，他經常到寓所樓下的聯誼會打牌耍樂，殊不知日前在聯誼會打牌後，拾級返回天台寓所時，失足滾落樓梯，頭、頸和盆骨受傷，左邊膊頭更骨裂。
華叔被送往廣華醫院後，連日來有不少圈中友好如契女陳寶珠、米雪、尹志強、祥嫂洪金梅與胡楓等也有到醫院慰問這位銀壇鐵漢，其女兒曹敏儀昨晚則在安德尊陪同下探望老父。
米雪昨日和前晚都有到醫院，她昨日說：「華叔精神唔錯，已經拆咗繃帶，眼部都去埋瘀啦！但醫生話仲未可以咁快出院，要觀察吓，但佢就好想出院，因馬季就開鑼（下月10日沙田馬場），佢話坐輪椅都要去睇。」她前晚則透露華叔入院後嫌悶，她說：「佢呻悶呀，話好彩有人探佢，同佢傾吓偈先冇咁悶喎！」
至於祥嫂昨日探望華叔後，向院方高層查問華叔的情況後對記者表示：「佢已經冇乜事，之前因為跌甩骱，醫院已經幫佢整番好！我都要多謝院方咁盡心照顧華叔，佢啲仔女日內會返香港睇佢，因為佢哋都擔心阿爸嘅傷勢。」
「可以落地沖涼」
黃夏蕙昨午見完華叔後，表示要幫他出外買報紙，兩小時後才折返，她說：「我要幫佢搵尿片，醫院話瞓床去唔到，所以要用，但我買唔到。」但安德尊則說：「華叔已經可以落地沖涼啦。」
採訪、攝影：娛樂突發組、魯萍
