美有可能：營中熱話　去粒遮瑕選校系花

美有可能：營中熱話　去粒遮瑕選校系花

各位蕃薯人（freshman）又係入O'Camp嘅時刻，多項活動中最為人津津樂道嘅就非選系花系草莫屬，唔少靚仔靚女喺呢一刻都會施展渾身解數博上位。不過就算你天生麗質，入camp玩足幾日都一定跌watt，當然唔可以用幾吋厚粉撻上面咁揚啦。唔想大熱倒灶，就要學識nude妝和急救殘樣大法，準備迎接狂風浪蝶啦！

朝早無瑕美少女

O'Camp人人喪玩，第二朝發現黑眼圈、暗粒、瘡仔走晒出來，仲有面油旺盛水份抽亁成副殘樣咁。打厚底遮掩當然唔掂，最重要係做足高水份和防油打底措施，以不經意嘅亁淨nudetone見人。

妝前

妝後

步驟

1.妝前可噴保濕水，再以粉撲把2waycake抹上面，遮掩毛孔及瑕疵。

2.備2色以上的遮瑕膏，先用深色遮蓋偏橙、啡的粒粒，再掃淺色於其上，增添光澤。

3.切忌畫死實黑眼線，sheerbrown眼線筆較適合青春女孩。以閃粉肉色眼影打底，再掃棕肉色於整個眼窩。

4.棕橙色胭脂掃面頰兩側，正面掃粉紅色。最後塗桃色唇彩。

髮型

1.全頭噴上hairspray，先執起一小撮頭髮扭成一條，待十多秒後放鬆，做成鬈髮效果。

2.全頭扭成曲髮後，可梳起孖辮，最後把辮子削鬆。

無瑕推介

■粉紅色胭脂$165

■雙色遮瑕膏$280

■桃色唇彩$150

■防曬粉餅$310

■棕色眼線筆$140

shuuemura22657582

夜晚型格辣妹

夜麻麻最興玩CampFire，唱住營歌、跳住古靈精怪的營舞，夜色朦朧，早上的nude妝睇上去只覺浮腫冇血色，化咗等於無化，所以入夜後不妨刻意營造閃亮肌膚及深邃眼神，化身成耀眼型女！

妝前

妝後

步驟

1.若瑕疵不多，可直接抹上2waycake，撲上閃亮碎粉於T字位和眼肚。以銀白色彩粉打底，再塗青綠色於整個眼窩。

2.畫上粗黑眼線，上眼線要比下眼線深色。掃濃密睫毛液。

3.橙杏色胭脂橫掃蘋果位，可增加青春活力感。

4.塗含珍珠光的淡粉紅色唇彩。

髮型

1.用手指把頭髮摷鬆，於頭頂隨意紮一條小辮子。

2.執起一撮頭髮，用梳從髮尾往上削散，削鬆所有頭髮。噴上hairspray。

型格推介

■極致濃密完美睫毛液$220

■白滑抗氧兩用粉底$390

■多用途修護彩粉（杏橙色、青綠色）各$140

iPSA22658332

邊類女仔贏面大？

(左起)
Xman：「好似楊丞琳咁cute都幾好。」
Rodman：「梗係青春可愛嘅啦！」

(左起)
Tempo：「最緊要順眼，唔造作。」
堅：「我揀型得嚟又靚，因為比較少。」
Jack：「食腦嘅靚女仲吸引。」

偷雞補妝

O'Camp營內四周是人，想補妝當然唔方便，此時大可匿喺陰涼大樹或簷篷下，貪佢光線充足唔會曬到頭暈，好過屈喺室內唔覺意太重手變白面怪！

補妝大法

1.以面油紙印走面上油脂，再噴保濕噴霧，涼浸浸即刻悶熱全消。

2.快手抹上2waycake，肌膚即時亁爽晒。

3.搽半透明唇彩，咁就算冇鏡都唔怕畫出界；可再掃上少少胭脂。

簡單工具

shuuemura迷你化妝掃，毛質軟硬適中又耐用，唔少專業化妝師都用。1套包括碎粉掃、胭脂掃、眼影掃、唇掃及眉毛刷。$1,383

化妝師Suki：有齊全套化妝掃，就可用碎粉掃沾上2waycake掃上面。

化妝師Queenie：冇面油紙就用唔甩毛嘅紙巾，都可印走面油。

特大面油紙$30