【本報訊】影視及娛樂事務處截至昨日為止，共接獲103宗有關《壹本便利》封面刊登Twins成員鍾欣桐（阿嬌，圖）更衣照片的投訴。工商及科技局局長王永平指出「偷影幾時都係唔啱」，表明會盡快將內容送交淫褻物品審裁處評審，又以「好下流、核突」形容近年雜誌的相片及用字。他透露，當局稍後會以三招加強打擊淫褻及不雅刊物。
阿嬌被偷拍事件在社會引來迴響，香港記者協會發出聲明，批評《壹本便利》偷拍行為；明光社也譴責有關做法，並鼓勵公眾向當局投訴。
霍汶希：阿嬌喊到眼腫
對於旗下藝人被偷拍，英皇娛樂藝人管理部總監霍汶希昨回應稱：「希望記者喺採訪之餘，亦要顧及藝人嘅感受，唔好為咗採訪而令到藝人受到好大嘅傷害，今次事件我哋會採取法律行動，亦都搵咗律師跟進，不過我哋最希望可以盡快拎番晒啲相，以免照片會喺網上流傳。」霍汶希並透露阿嬌情緒極差，「喊到眼腫，搞到拍唔到戲。」
王永平昨與記者茶敍時被問到有藝人被偷拍，他表示「偷影幾時都係唔啱」，又批評近年傳媒「用嘅字眼愈嚟愈核突，好下流，有啲字仲係作出嚟嘅」，指出「係咪做生意嘅人，都要有少少社會責任呢？」《壹本便利》昨日未有回應事件。
三招打擊淫褻不雅刊物
當局稍後會以三招打擊淫褻及不雅刊物，包括下月開始在部門網頁公開被判違例罪名成立的報刊資料；下月發信邀請區議會、社區組織及專業團體，鼓勵成員擔任淫褻物品審裁處的審裁委員，將現有委員數目倍增至最少600個；同時收集市民對淫褻及不雅物品管制條例的意見。
有網友就偷拍事件發起簽名行動聲援阿嬌，至昨晚已有逾1,500人簽名。網友john1990822在雅虎討論區內指「唔好話係女仔，就算我係個男仔都覺得離譜啊！」
另外，有線電視引述律政司發言人稱，決定不會就商台DJ森美及小儀在節目中舉辦「我最想非禮女藝人選舉」一事，檢控兩人。