近排好多老人家都好高見報率，好似講嘢講到發𤷪𤺧嘅何鴻燊，抑或係輪米輪到吽嘅阿公阿婆，喺某程度上，都唔及碌落樓梯都只係受輕傷嘅曹達華強，當年嘅如來神掌龍劍飛大俠，活到九十幾都咁好身手，果然厲害。相信香港置業一定好景仰曹大俠，佢哋嘅專才培訓中心最近拍咗套教學課程短片，就正正係以如來神掌做題材，將銷售流程歸納為九式心法，寓意係九式運用得宜就所向無敵。 至於九式嘅內容，蘭西就唔寫出嚟嘞，因為同九式如來神掌嘅名稱，簡直南轅北轍。