劉家輝嘅屋企人同徒弟前晚喺銅鑼灣為佢慶祝51歲生日，其中徒弟原子鏸專誠由美國趕返嚟，同媽媽鄭佩佩一齊出席，仲帶埋紅酒同親手做嘅生日蛋糕送畀師傅。 劉家輝成晚好興奮，即席唱咗首英文歌助興，佢仲話稍後會同廣東省公安廳合作，對方希望佢開拍一部類似《廉政先鋒》嘅電影，由真人真事改編，原子鏸母女都係考慮演員之列。