嘩，搞咩呀？VolvoXC90有豪華SUV唔做，走去做運動比賽運送器材嘅車輛？
係，我無講錯，你亦無聽錯，呢批為數4部嘅XC90，係廠方按照真車以1:5比例做出嚟嘅遙控車而已。
今次喺EuropeanAthleticsChampionships中出現嘅遙控XC90，車身由廠方以人手模造出嚟，底盤及操控系統則由NordicSportCompany負責開發。
大家千祈唔好睇小輸出2匹馬力嘅遙控車，佢可以在比賽場中運載重達14kg嘅比賽用具，例如3支鏢槍、4塊鐵餅，又或者係2個鏈球，另外就算全車FullLoading，都可以時速20km/h在場內行走，唔使工作人員喺場中走來走去。
睇完之後想買部玩吓呢？咁就真係Sorry喇！因為Volvo廠方講到明，唔會將佢變成量產型號，VolvoFans們，真係諗吓好啦。
記者：鄭達基