下個月就係PS3同Will臨發售前最後埋牙一戰，事關東京遊戲展又開鑼，兩大龍頭必定盡最後努力，將新機優點Present出嚟，力爭首個聖誕黃金檔期。筆者呢幾個月不停收到風，從Game舖、外國消息甚至SCEH自己，都暗示PS3將11月11日全球同步推出，即係香港好大機會準時派行貨落場，打破新機必炒慣性定律！咁興奮嘅消息，梗要同大家分享吓，不過筆者就想聽吓大家意見，睇吓大家對行貨有乜嘢期望，如大量遊戲同步發售、是否兩個版本都推出、有冇上網安排、預訂有乜着數等，統統都可來郵暢所欲言！為使大家踴躍發言，筆者老規矩屈咗SCEH一堆精品，送畀講得有Point、有Heart嘅讀者，聊表心意。所有精品都屬非賣品，名額亦只得10個，想同大家分享睇法同攞禮物，就快手動筆Mail過嚟啦！
記者：徐影龍
參加辦法：
＊稿件以五百至一千字為限，讚彈均無任歡迎，最好有獨特見解。
＊請附真實姓名、筆名、聯絡方法等資料，以及個人照一張。
＊來稿請電郵至[email protected]
＊得獎者將於九月獲專人通知領獎事宜。
＊《蘋果日報》保留最後決定權，所有作者不得異議。