葉文輝（啤梨）日前在處男演唱會上飛擒大咬攬抱女嘉賓，還向鄭融使出一招腋底兜胸被封鹹啤梨，昨日被網友踢爆他早有女友，是曾為他的《私家歌》擔任MV女主角的04落選港姐梁麗瑩。
網友Yumi1028昨日在香港討論區（discuss.com.hk）中爆料指啤梨家住美孚，有一次等電梯時碰到他與04年落選港姐梁麗瑩拖手回家，Yumi1028更揶揄啤梨被屈是基很慘。
「有發展可能」
不過記者昨日向兩位當事人查詢時，二人同聲否認，口供一致。梁麗瑩在電話中回應說：「我哋係好朋友，彼此雙親一早認識，咁啱我住美孚，佢又有親戚住喺嗰度，不過我哋係試過單獨約會，但就唔係拍拖。」可有發展機會嗎？梁麗瑩說：「暫時冇啦，我嘅工作剛起步。」但她卻大讚啤梨心地善良，符合她的擇偶條件。
啤梨接受電話訪問時說：「我承認有同佢單獨出嚟食過飯，但好多時係一班朋友，我諗暫時冇發展空間，因為我近排工作好忙，我呢個年紀都要為事業搏殺，事業排第一，兒女私情就放埋一邊。」
撰文：林妃
