平生最怕吃自助餐，即使食物有水準，但幾十款食物同時倒進胃裏，精緻美食都變得倒胃，絕不享受。天后有餐廳搞迷你Brunchbuffet，雖然只得7款主菜、幾款前菜、沙律及甜品，但一味燒BB羊已經值回票價，每位$68吃足90分鐘可以慢慢歎。$68，去旺角茶餐廳喫個爛鬼鐵板雜扒餐都差不多這個價啦，何況落肚的，絕非一味大件肥膩難啃的乜扒物扒！
記者：廖秀娟 攝影：林栢鈞
模特兒：Connie、William、Samantha、Cherry
回本推介
1.意大利黑醋茄汁燴雞
用意大利黑醋煮雞肉，深邃的醋味酸中帶醇和；雞肉尚算嫩滑，是道很開胃的主菜。
2.燒BB全羊
新西蘭BB羊，用特製醬汁醃好慢燒，吃來香口嫩滑，燒得不錯。
3.孜然串香骨
孜然這香草味道濃烈，一般用以配羊扒，今勻配豬仔髀，吃落很有新疆風味，豬仔髀不亁身，香口惹味。
4.朱古力火鍋
4位以上送朱古力火鍋，有新鮮火龍果、士多啤梨，加上桃和菠蘿，吃得開心又滿足。
5.沙律冷盤
Connie最愛吃沙律冷盤，日式冷麵、八爪魚仔、螺仔、海藻等好新鮮，沙律食材是簡簡單單的車厘茄、粟米、菠蘿，但蔬菜不是普通伴碟生菜，而是法國羅文生菜，肯花成本。
6.各式甜品
招牌菜之一，每次約有6款選擇，芝士餅、慕絲餅必有，這天還有菠蘿奶凍、焗布甸和迷你Puff，甜品迷Samantha開心到暈。
7.西冷
店方設切肉枱，廚師全程為大家切原條西冷及全隻BB羊，未吃已聞到陣陣肉香。
貴精不貴多
「Ironwood」這小餐廳當然不可與大酒店相比，這個Brunchbuffet賣點不在食物種類繁多，聽落有點吊詭，自助餐不是食物愈多選擇愈好嗎？原來貴精不貴多一樣好。店方只精選平日餐牌中的招牌菜式，再加幾款基本沙律、特色冷盤、甜品，平日有幫襯過的客人，就知這個自助餐有多抵吃。現場熟客極多，6成以上食客都不是第一次到訪，難得人人吃得滿意，不會一味要求吃生蠔、壽司。事實「Ironwood」的食物也不賴，以每人平均消費百多二百元的中價餐廳來說，水準算是中上。總廚Simon與餅房甜品總廚AliceChan都在「利園酒店」任職過，經常接受傳媒訪問，教人做餅做甜品，他們的麵包、甜品都達酒店級水準，當日客人最讚賞的，都是甜品與麵包，到來記緊要試。
食客有Say
搵食攻略
IronwoodCafe（25709933）
地址：天后琉璃街13號地下
交通：天后地鐵站A2出口步行3分鐘 營業時間：12:00nn-11:00pm
座位：60個，非常爆滿，最好預早一星期訂位，12:15pm前較少人，請留意
招牌菜：雪松木燻菜、石爐燒意式薄餅、甜品
Brunch收費：成人90分鐘$68，小童（0.8-1.3米）$38；成人120分鐘$88，小童$58；成人120分鐘以上$108，小童$78，全部以入座時間計。每位包餐飲、餐湯及麵包各1客
供應時間：逢星期六、日及公眾假期11:30am-4:00pm