最近班網友談論車身硬淨的好與壞，有人話家吓嘅車架設計好先進，好似smart咁，有三文治式車架，就算90km/h撞車，兩隻門都可正常開啓，車廂仲可以保持80%完好。不過有另一班網友話響物理學角度上，比較重嘅車會着數少少。
爭辯咗一大輪，有人突然貼出呢個Post，短片係部smart同S-Class互相撞車，睇吓實況係點。
http://www.metacafe.com/watch/145085/smart_crash/
最初部smart撞車時，車架向車底摺縮，安全氣袋彈出，smart車廂的確硬淨，無太大損傷，滿以為完場時，部smart竟然彈開，再打兩個滾地葫蘆，車殼即時變得支離破碎。
smart個車架硬度有番咁上下勁，打咗幾個觔斗唔算得好傷，不過車內乘客就一定嚇餐死。
睇完呢段片，網友都無聲出，因為明白到，車身重啲，在一般交通意外中就有多一點安全感。
不過，如果呢個情況發生響香港嘅高架式高速公路，或大帽山嘅山路，smart就算撞唔散，一樣會飛落山。
記者：伍旋卓
