香港人鍾意食過江，今勻聽吓網友對澳門食肆嘅意見，幾十年老舖「大利」豬扒包，去過澳門嘅香港人都試過嘞啩，forum.timway.com飲食討論區，就有大批網友話佢員工服務差，去親都食唔到，sausau話佢叫咗兩碗麵：「一碗朱（豬）扒麵（麵）、一碗雞亦（翼）魚旦麵（蛋麵），一望D麵（啲麵）……即刻打個突！D麵（啲麵）好糊，勁似糊仔……一D（啲）都唔似麵（麵）條，好無奈咁去食啖……嘩！！！勁咸（鹹）！！！塊朱（豬）扒又咸（鹹）不特止，仲好似未熟！！！死未！！」brasco亦彈：「冇錯……食咗十幾年……愈嚟愈不知所謂……」媽媽聲中，都係Garfield最有建設性，佢提議大家去南環「葉熾記」：「好好好好味，招呼好，唔使受氣，唔會漏單，有冷氣，仲要抵食！！」咁就真係要去試吓嘞，不過Garfield，你未提供地址、電話喎！
http://forum.timway.com/php/showflat.php/Cat/
0/Number/4137837/an/0/page/1