「法官判案時完全冇考慮過我哋死者家屬嘅感受！車禍發生後，我日日失眠，乜都做唔到，連份工都冇埋。」死者丈夫許勝利（67歲）十分不滿法庭判決，他說：「架車向斜坡倒後50幾米撞死一個人，都話係不小心駕駛，只判社會服務令；呢個係乜嘢世界，我老婆死得真冤枉。」
「我好想幫老婆討回公道，但我哋蟻民可以做得乜？」許勝利指該宗「車死人」案件疑點重重，首先是司機撞傷人後，不即時報警而擅自將其妻送院；當妻子送到律敦治醫院門口時，突然改送到車程較遠的養和醫院；妻子失救後，誰人擅自打開其公司儲物櫃，並將染有血迹的工作證放在櫃中，櫃內財物就不翼而飛。「我哋見阿爸日日捧住阿媽張相喃喃自語，出街又成日坐錯車，又唔識肚餓，於是送佢返鄉下睇醫生。」許的幼女說：「住咗一排都無乜好轉才接回港，𠵱家佢要日日食精神藥物，我哋三姊妹要輪流睇住佢。」
原籍福建的許氏夫婦，28年前移居香港；兩子三女，除了長子仍留在鄉間外，其餘子女先後申請來港定居。許到港後一直在地盤工作，妻子則做清潔工。他表示，因為憶妻導致精神出現問題，並因此喪失工作能力。
本報記者