要Update潮流資訊可謂各師各法，睇雜誌、煲電視、上網、行街都能夠掌握時裝氣候嘅大變化。不過一日有48小時都唔夠用嘅明星，想緊貼潮流除咗靠形象顧問提供嘅「殘廢餐」，原來唔少明星都會臨急抱佛腳上Style.com補習。好似Kary咁，佢話自己好少時間行街，所以都會定時上Style.com睇最新嘅FashionShowCatwalk，仲話呢個係最容易、最快捷嘅方法睇到來季到底興啲乜。
Click上Style.com，06FashionShowready-to-wear欄目會發現來季確有不少大牌以黑色作主打，例如Valentino嘅懷舊黑色、Givenchy嘅全黑套餐、JeanPaulGaultier嘅另類黑色元素都各顯功架、各有特色，仲有CalvinKlein、EmporioArmani等大牌起勢和應㖭。現時各大品牌嘅新貨喺香港都已開始一一上架，冇錯大部份都確係吹起黑色風暴，想話今個冬天唔入定啲黑色秋冬貨都唔得啦！