夏日炎炎，唐寧最愛到海灘暢泳消暑，身為狗癡的她當然會拉埋愛犬落水，不過就投訴每次均被百厭金毛尋回犬BoonBoon胸襲，護花不成，反變採花鹹濕狗。
唐寧家有四大狗王，包括有活躍症傾向的金毛尋回犬BoonBoon、忠心唐狗Yellow、八卦西施狗BB和最近減肥成功的比高犬豆豆。經常到處跑的BoonBoon，雖然年紀最輕，但體形就最大，所以每逢主人到沙灘暢泳，牠也會同行做護花狗。
一曬即黑
日前唐寧在尖沙嘴接受記者訪問，投訴BoonBoon實在太頑皮，每次到沙灘都弄到她裙拉褲甩，她說：「我去沙灘唔怕俾人偷影，因為一定唔會有比堅尼，我一同狗玩，BoonBoon就係咁抓埋嚟我身度，我實推開佢，所以去沙灘只會着T恤。」
在驕陽似火的夏日裏，唐寧最怕拍攝劇集外景，被太陽當頭曬足一整天，滋味也確實不好受，最糟糕是她天生膚色黝黑，曬黑了就久久不褪，她說：「我搽乜嘢都冇用，其實我唔驚黑，只驚甩皮，我係一曬即刻變黑，冇變紅嘅階段。出街拍外景，一日開成十幾個鐘，都好難不停補防曬，通常係返屋企搽蘆薈，同埋帶齊三寶開工，就係風扇、毛巾同電解質飲品。」
流汗喼弗
唐寧揚言夏天唯一好處是流汗多，喼弗會比冬天容易，她說：「跑吓步，食吓水果就keep到㗎啦，火龍果對我就好好，我食完會有輕微肚瀉，可以幫助排毒。」
採訪：朱倬誼 攝影：仇志德
服裝：SistyrMoon、Triumph
（白色連身裙為私物）
