有內地網友在月影網站發表來港旅遊時，遭本港警員歧視經歷。某日他和親友在尖沙嘴星光大道看煙花時，一名警員上前向他們說：「一睇就知你哋係大陸噶！」
警：唔會歧視內地人
該名網友憤憤不平地表示，警員顯得好睇唔起大陸人。「我就話你又知我地係大陸噶？佢話一睇就知……個死差佬仲話，我係呢度土生土長……超樣衰吖！個差佬！本來就係佢自己走過嚟同我哋講嘢！𠵱家咁樣睇唔起我地大陸人喔！超鄙視佢！」網友「處男先生」回應：「哈哈……原來這些就是好客之道」。
香港警察員佐級協會主席鍾錦華強調：「我哋絕對唔會歧視內地人！」他說，軍裝警員在街上截查市民，是根據指引懷疑受查者可能涉及罪案，與受查者是否來自內地無關。
他說，軍裝警員每天出街「行咇」前，在例行發布會，得到該區的罪案資料，包括涉案在逃人物的外貌和衣服特徵，警員會留意有相同特徵的可疑人：「出到街都要執生，如果對方刻意迴避警員嘅目光，又做啲特別動作掩飾，就有可疑；一般人正大光明，遇到警員唔使驚。」
新聞資訊研究組