我未開聲講嘢之前，麻煩大家先Click入下面條Link，睇吓呢條叫《Hitbyabus》嘅短片。
網址：http://www.youtube.com/watch?v=AtopkEz7N2w
雖然呢條短片只係得7秒咁多，但係已經好清楚話畀大家聽，亂咁過馬路係會隨時俾車撞倒。
片段開頭有兩位英籍男士大玩「孭仔」遊戲，正當大家都以為呢套係「斷背」短片之時，點知鏡頭一轉，就見到有另一位男士好似行Catwalk咁走出馬路，過馬路嗰陣仲望都唔望吓馬路兩邊有無車嚟，最後過到一半就俾巴士撞倒！
亂過馬路，家陣已經成為香港人嘅特色，就算明明見到你揸車向住自己過緊嚟，都可以繼續若無其事慢慢行，響按咩？仲隨時企喺度截停你部車，講晒粗口問候你全家，至於經常有呢種情況出現嘅地區，多數都係新市鎮區域。根據運輸署嘅統計數字顯示，喺2005年發生嘅15,062宗交通意外入面，牽涉在內嘅行人多達4,404人，當中又以75歲及以上的長者佔大多數，合共有428人在該等意外中受傷或死亡，其次則為45至49歲人士，佔347人，另在行車道上（非行人過路處）嘅意外，也佔死傷者中嘅735名。講真，過馬路最安全當然係利用如天橋或斑馬線等行人過路設施，貪一時之便亂咁過馬路，換來嘅隨時係抱憾終生，那又何必呢！記者：鄭達基
參考網址： http://www.td.gov.hk/FileManager/TC/Content_184/05fig5.10c.pdf
