上星期六喺曼谷開完演唱會嘅神話Eric，前日喺首爾趕拍新劇《無敵的降落傘要員》。當日係拍攝Eric回憶高中時代嘅一場戲，導演要佢着上校服，仲以一敵十五咁同惡人打架。點知Eric太過威武，當使出回旋腿時唔小心整到條褲爆呔，好彩及時補救避免出現尷尬情況。Eric年初因為拍《狼》劇曾經遇上意外，所以呢次佢以後真係要錫吓身。