早前本報收到消息，話亞視將於下月推出新遊戲節目《以一敵百》（1Tegen100），會搵蘇施黃同陳啟泰拍檔主持，阿蘇噚日接受商台電話訪問時已經否認咗，佢話好多年前同劉家傑幫過亞視主持節目，不過今次就唔會。其實亞視用《以一敵百》同無綫10月推出嘅《DealorNoDeal》硬撼，如果阿蘇真係肯做主持，以佢語不驚人誓不休嘅作風，應該搶到唔少觀眾。