一提印度美食，自自然想到咖喱，在香港找印度人介紹印度菜，我想起喬寶寶。約他做訪問，想不到他會自備一身印度裝束，還特意着朋友幫忙，預先包好頭巾供記者拍攝，真專業。他風趣地說︰「我哋印度菜，好多煎炸油膩熱氣嘢。話埋畀你知都唔怕，好多喺香港居住嘅印度人都覺得，香港人整印度菜，好食過喺印度食到嘅真正印度菜多多聲。」原來印度人自歲半開始食咖喱，雖然他全家已遷往香港很久，但還保留傳統，差不多一日三餐都吃咖喱。問印度人是否用手吃飯，得到答案竟然是不，何解？他解釋︰「印度有南北之分，南方人多數用手，我屬於北方，用匙羮同叉，至於刀，印度人好少用。」
印度人信奉的宗教與飲食習慣有很大關連，分別有6成和3成人信奉印度教和回教，而喬寶寶就信奉少數的錫克教，不吃豬牛，「記得以前喺麥記做Part-time，食過第一啖漢堡扒，真係好好食呀，帶個包返屋企，阿媽唔知有牛肉食咗大半個。」知道真相後，寶媽立刻扣喉兼狂罵喬寶寶衰仔，不過喬寶寶說︰「鬧完阿媽都講咗句──啲牛肉又真係幾好食喎。」真搞笑！
記者︰方綺君
攝影︰林栢鈞
喬寶寶示範食咖喱
咖喱牛角豆$48
印度人常吃菜式，炒過的牛角豆煮咖喱醬即成，簡單菜式包上烤餅就可以放入口，普通到就如香港人日日吃飯一樣。
咖喱羊膝$88
正宗印度香草咖喱和Masalasauce，用印度香料醃1日再燴，羊肉燜得肉質軟滑，伴烤餅吃，我不自覺吃完兩大塊。
天多利烤雞$78（前）、
洋葱蒜茸烤餅$20
雞用印度香料、蒜茸和薑醃1日後再炭燒，少甜，喬寶寶說︰「淋少少檸汁，加少少乳酪一齊食就至好食。」烤餅是印度人主食糧，烤餅加入洋葱和蒜茸，炭爐烤更香口。
ChillieSark雙辣船（24356669）
地址：青衣青衣城203號舖